وكانت أجمل سجدة شكر بحري الدروشاب بعد تهجير قسري ل ٢١شهرآ الف حمد وشكر لك يارب
ويادكوه ندهت عليك من الشارع وما رديت
وفتحت الورشة ومعاي سيرتك بس انت ماجيت
ومشيت بيتكم يا صديقي واخي (دكوة)
ولاقيت ناس البيت نفر نفر يادكوه واحكي شنو واخلي شنو ياولدي
اكلمك عن الدمعات النزلن مقهورات ولاعن وجع فرقتك ونحن بنغمرك بالدعوات ولاعن المكلومة امك ولاعن صبر يابا ونحن بنتسالم منو يعزي منو ولا الاعمام واخوانك ولا الأصحاب يادكوه
بقدر فرحتنا بنضافت بحرينا من الشرزمه الاوباش لهم من الله مايستحقوا
بس فرحتنا مليانة وجع الدنيا كلوا واول تلاقينا الفاتحه علي أرواح كل الناس الفقدناهم
اللهم تقبل كل الذين فقدناهم في الحرب في فردوسك الأعلي وارحمهم وتجاوز عن سيئاتهم
